Ønsker du å ta knivslipinga til neste nivå?
Då er dette kurset for deg. Kurset passar for deg som allereie er ganske innøvd på knivslipinga. Du veit korleis du skal setje opp ein ny, skarp egg på kniven. Og du har prøvd forskjellige bryne- og slipesteinar.
Kurset tek utgangspunkt i at deltakarane har gode forkunnskapar.
På dette kurset lærer du å:
- bryne eggen på finare slipesteinar (#3000 og oppover)
- korleis ta vare på karbonstålsknivar
- tynne slipefasen på grov stein
- korleis slipe opp brødkniv
Kurset begynner med teoretisk innføring i ståltypar, korning, og fordelar og ulemper med ulike japanske brynesteinar (Naniwa, Imanishi, Suehiro, King osv.). Det blir også gjennomgang av forskjellane mellom ulike knivkonstruksjonar, som sanmai, warikomi, monosteel og honyaki.
Deltakaren får også stroppe eggen med ulike metodar, som tekstil (dongeri), papp og lêr (med og utan brynepasta).
Dersom det er tid og interesse, bryner vi eggen på natursteinar (som «jnat») og ser på fordelar og ulemper med dette.
Deltakarane får moglegheit til å prøve ut forskjellige slipesteinar. Eg vil oppfordre til å ta med eigne steinar.
Kurset varer i 2,5 timar og er gratis. Påmelding her.